Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 112 Hüküm no: 108 Orijinal metin no: [12b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Abdülaziz Ağa’nın boşadığı hanımının yanında bulunan küçük kızı için nafaka ödemesi Beher yevm 240 akçe nafaka-i sagīr Ma‘rûz Sâhibe-i arzuhâl mu‘arrefetü’z-zât Hafize bt. Mehmed Emin nâm hatun İstanbul Bâb Mahkemesi’nde meclis-i şer‘-i münîrde zevc-i sâbıkı derûn-ı arzuhâlde ismi mezkûr es-Seyyid Abdülaziz Ağa b. es-Seyyid Halil nâm kimesne muvâcehesinde mezbûr es-Seyyid Abdülaziz Ağa ile mukaddemâ zevciyyet beynimizde kāime iken mezbûrun firâşından hâsıla ve benden mütevellide ve bi-hakkı’l-hıdâne hacr u terbiyemde sulbiye kızı tahmînen on dört aylık Şerife Adeviye nâm sagīrenin mâlı olmayıp nafaka ve kisveye eşedd-i ihtiyâc ile muhtâc olmağla sagīre-i mezbûrenin nafaka bahâsi’çün babası mezbûr üzerine kıbel-i şer‘den kadr-ı ma‘rûf meblağ farz ve takdîr olunmak bi’l-hıdâne matlûbumdur dedikde ol dahi ba‘de’t-tasdîk sagīre-i mezbûrenin nafakasi’çün babası mezbûr üzerine târîh-i i‘lâmdan beher yevm iki yüz kırkar akçe kıbel-i şer‘den farz ve takdîr olunup meblağ-ı mefrûz-ı mezkûru sagīre-i mezbûrenin nafaka ve kisve ve sâir levâzım-ı zarûriyesine harc ü sarfa ve lede’l-iktizâ istidâne ve inde’z-zafer babası mezbûr üzerine rücû‘a vâlidesi ve hâdinesi mezkûre Hafize Hatun’a izin verildiği huzûr[-ı âlîlerine i‘lâm olundu] Fî 25 Receb sene [12]55