Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 113 Hüküm no: 109 Orijinal metin no: [12b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud ve arkadaşı Yusuf’un kötü davranışlarda bulundukları için tekkeden ihraç olunmaları A‘mâ ihrâcı Ma‘rûz Âsitâne-i aliyye’de vâki‘ a‘mâ ve sâil tâifesinin şeyhleri Hafız Mustafa Efendi ve yiğitbaşıları Hafız Halil Efendi ve kethüdâları Feyzi ve ihtiyârları Mehmed Dursun Efendi ve Molla Veliyyüddin ve Molla Ali ve Molla Mustafa ve Molla Şakir ve Molla Mehmed ve Derviş İbrahim ve sâir <> mazbûtü’l-esâmî a‘mâlar hâzır oldukları hâlde İstanbul Bâb Mahkemesi’nde meclis-i şer‘-i münîrde yine tâife-i merkūme neferâtından A‘mâ Kayseriyeli Mahmud b. Osman ve A‘mâ Ahıskavî Yusuf b. Süleyman nâm kimesne[ler] muvâcehelerinde mezbûrân Mahmud ve Yusuf sâil makūlelerinden olup bizim İstanbul’da Şehzâde İmâreti’nde vâki‘ tekkelerimiz olup lâkin kendi hâlleriyle meşgûl olmayıp hadîdü’l-lisân ve bazılarımıza mûcib-i ta‘zîr olan elfâzla bi’l-muvâcehe şetm etmeleriyle bi’d-defe‘ât kendilere tenbîh olundukda aslâ mütenebbihler olmayıp ızrârlarında <<üz>> ısrâr üzere olmalarıyla ol vechile merkūmân Mahmud ve Yusuf’dan bir türlü [13a] emn ü rahatımız yoktur deyü muvâcehelerinde teşekkî ve merkūmân Mahmud ve Yusuf şurût-ı mer‘iyye üzere fî-mâ ba‘d zikr olunan tekkemize gelip âş ve nân almamaları bâbında emr-i âlî ricâsında oldukları bi’l-iltimâs huzûr[-ı âlîlerine i‘lâm olundu] Fî 25 Receb sene [12]55