Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 113 Hüküm no: 110 Orijinal metin no: [13a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalos zimmînin borcunu ödemesi Ma‘rûz Bakkāl tâifesinden Yuvan v. Vasil nâm zimmî İstanbul Bâb Mahkemesi’nde meclis-i şer‘-i hatîrde Kalos v. Marat nâm zimmî muvâcehesinde mesfûr Kalos zimmî zimmetinde bundan akdem mâlımdan ve yedimden iştirâ ve kabz eylediği bakkāl emti‘ası semeninden ba‘de külli’l-hesâb yedi yüz otuz yedi guruş yirmi üç para alacak hakkım olmağla meblağ-ı mezkûru mesfûr Kalos zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr lâkin deynim olan meblağ-ı mezkûru bundan akdem müdde‘î-i mesfûr Yuvan zimmîye tamâmen edâ ve teslîm etmişidim deyü müdde‘î-i mersûmun inkârına mukārin eylediği def‘ine ikāmet-i beyyine edemeyip bi’t-taleb mesfûr Yuvan zimmîye bi’l-muvâcehe ber-nehc-i şer‘î üzere yemîn verilmeğin mûcebince dâfi‘-i mersûm Kalos zimmî def‘-i mezkûruyla mesfûr Yuvan zimmîye bilâ-beyyine <> ba‘de’l-men‘ mersûm Kalos zimmînin sâlifü’l-beyân ikrâr ü i‘tirâfı üzere lâzım gelen meblağ-ı mezkûr yedi yüz otuz yedi guruş yirmi üç paranın müdde‘î-i mesfûr Yuvan zimmîye edâsıyla mersûm Kalos zimmî ilzâm olunduğu mübâşirleri Bâb-ı âli kavaslarından es-Seyyid Ali Kavas kulları yediyle huzûr[-ı âlîlerine i‘lâm olundu] Fî 7 Şa‘bân sene [12]55