Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 114 Hüküm no: 111 Orijinal metin no: [13a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Şerafeddin Efendi’nin oğlunu yaralayan Ayşe Hanım ile diyet karşılığında sulh olduğu Sagīrenin anası ve veliyesi bi’l-velâye dudağı da‘vâsından sulh Ma‘rûz İstanbul’da Eskialipaşa kurbünde Debbâğzâde el-Hâc Hasan mahallesinde sâkin zikri âtî sagīrin babası ve velîsi müderrisîn-i kirâmdan Mehmed Lütfullah Efendi b. Feyzullah İstanbul Bâb Mahkemesi’nde meclis-i şer‘de mu‘arrefetü’z-zât Âişe bt. es-Seyyid Mahmud nâm hatun muvâcehesinde velîsi olduğum işbu hâzır bi’l-meclis sulbî oğlum Feyzullah nâm sagīr mezbûr[e] Âişe Hatun’un mahalle-i mezbûrede vâki‘ mutasarrıfe olduğu menzilinin duvarı üzerine çıkıp mezbûre Âişe Hatun sagīr-i mezbûru sopa ile kakıp sokağa düşüp sagīr-i mezbûrun üst dudağı mecrûh olmağla mûcib-i şer‘îsini bi’l-velâye taleb ederim deyü tasaddî eylediği[m] da‘vâmdan bâ-tavassut-ı muslihîn mezbûre Âişe Hatun ile bi’l-velâye taleb ederim deyü tasaddî eylediğim da‘vâdan bâ-tavassut-ı muslihîn mezbûre Âişe Hatun bi’l-velâye kırk guruş bedel-i medfû‘ ve makbûza ba‘de-akdi’l-musâlaha ve’l-kabûl bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini bi’l-asâle ve bi’l-velâye kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Taşabâdî Veliyyüddin Kavas kulları yediyle huzûr[-ı âlîlerine i‘lâm olundu] Fî 28 min-Receb sene [12]55