Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 114 Hüküm no: 112 Orijinal metin no: [13a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah’ın hanımına olan borcunu ödemesi 800 guruşa hüküm Ma‘rûz İstanbul’da Eğrikapı kurbünde Molla Aşkî mahallesinde sâkine mu‘arrefetü’z-zât Şerife Esma bt. Hasan nâm hatun İstanbul Bâb Mahkemesi’nde meclis-i şer‘de hâlâ zevci Abdullah b. <> Şaban nâm kimesne muvâcehesinde mezbûr Abdullah zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği sekiz yüz guruş alacak hakkım olmağla meblağ-ı mezkûru zevcim merkūm Abdullah’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr sekiz yüz guruşun müdde‘iyye-i merkūme Şerife Esma Hatun’a edâsıyla mezbûr Abdullah ilzâm olunduğu mübâşirleri Bâb-ı Seraskerî kavaslarından Salmatomruklu Ali Kavas kulları yediyle huzûr[-ı âlîlerine i‘lâm olundu] Fî 13 Şa‘bân sene [12]55