Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 115 Hüküm no: 114 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kavas Mustafa’nın borcunu ödemesi 345 buçuk guruş[a hüküm] Ma‘rûz Bakkāl tâifesinden Bretamos v. Yağmur nâm zimmî İstanbul Bâb Mahkemesi’nde meclis-i şer‘-i hatîrde Bâb-ı Seraskerî kavaslarından Kavas Mustafa b. el-Hâc Osman nâm kimesne muvâcehesinde mezbûr Kavas Mustafa zimmetinde bundan akdem mâlımdan ve yedimden iştirâ ve kabz eylediği erzâk-ı mütenevvi‘a semeninden üç yüz kırk beş buçuk guruş alacak hakkım olmağla meblağ-ı mezbûr[u] Kavas Mustafa’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr üç yüz kırk beş buçuk guruşun müdde‘î-i mersûm Bretamos zimmîye edâsıyla mezbûr Kavas Mustafa ilzâm olunduğu huzûr[-ı âlîlerine i‘lâm olundu] Fî 5 Şa‘bân [12]55