Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 116 Hüküm no: 115 Orijinal metin no: [13b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Yani’nin borcunu ödemesi 203 guruşa hüküm Ma‘rûz Kasab tâifesinden Tello v. Tanaş nâm zimmî İstanbul Bâb Mahkemesi’nde meclis-i şer‘-i hatîrde tâife-i <> mersûmdan Yani v. Panayot nâm zimmî muvâcehesinde mersûm Yani zimmî zimmetinde işbu târîh-i i‘lâmdan altı ay mukaddem mâlımdan ve yedimden iktirâz ve kabz ve umûruna sarfla istihlâk eylediği bin üç yüz guruş alacak hakkım[dan] beş yüz guruşunu iki haftada nakden ve üç yüz guruşunu dahi benim mersûm Yani zimmîye bir koyun sâ‘ati semeninden deynim olan ol mikdâr guruşa takāsan tenzîl olunup ol vechile istîfâ etmemle bâkīsi olan iki yüz üç guruşu mersûm Yani zimmîden hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu tâyi‘an ve kat‘iyyen ikrâr ü i‘tirâf etmeğin alâ-mûcibi ikrârihi meblağ-ı <> bâkī-i mezkûr iki yüz üç guruşun müdde‘î-i mersûm Tello zimmîye edâ ve teslîmiyle mesfûr Yani zimmî ilzâm olunduğu mübâşirleri Bâb-ı Seraskerî kavaslarından Beykozlu Mustafa Kavas kulları yediyle huzûr[-ı âlîlerine i‘lâm olundu] Fî 14 Şa‘bân sene [12]55