Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 118 Hüküm no: 118 Orijinal metin no: [14a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hatice Hanım’ın kocasından muhalaa yoluyla boşandığı Muhâla‘a i‘lâmı [Ma‘rûz] İstanbul’da Çarşambapazarı kurbünde Beyceğiz mahallesinde sâkine mu‘arrefetü’z-zât Şerife Hadice bt. Hüseyin nâm hatun İstanbul Bâb Mahkemesi’nde meclis-i şer‘de zevc-i muhâlı‘ı Derviş Salih Efendi b. Hüseyin nâm kimesne muvâcehesinde mezbûr Derviş Salih Efendi zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel hakkım olan dört yüz elli bir guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ibrâ ve tasdîkleri mübâşirleri Dîvân-ı âlî çavuşlarından Sultanmehmedli İbrahim Çavuş kulları yediyle huzûr[-ı âlîlerine i‘lâm olundu] Fî 13 Şa‘bân sene 1255