Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 118 Hüküm no: 119 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Ali’nin Kirhor aleyhine açtığı kefalet davasının geçersiz olduğu 600 guruş kefâlet da‘vâsından men‘ Ma‘rûz Derûn-ı arzuhâlde ismi mezkûr Terzi Ali b. Ali nâm kimesne İstanbul Bâb Mahkemesi’nde meclis-i şer‘-i münîrde arzuhâl eden Kirhor v. Markar nâm zimmî muvâcehesinde benim gāib ani’l-meclis Mardiros zimmî zimmetinde altı yüz guruş alacak hakkım olmağla mersûm Kirhor zimmî işbu sene-i mübâreke Cumâdelûlâsı’nın yirmi beşinci günü senin gāib-i mersûm zimmetinde <> alacağın olan altı yüz guruş ve bu günden altmış gün tamâmına değin sana veririm deyü da‘vâ etmişidi el-hâletü hâzihî işbu târîh-i <> i‘lâma gelince altmış yedi gün mürûr edip meblağ-ı mezkûru mesfûr Kirhor zimmî bana vermemekle meblağ-ı mezkûr altı yüz guruşu bana mâlından edâ etmek üzere mesfûr Kirhor zimmîye cebr olunsun deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i mezbûr Ali’ye tefhîm ve da‘vâ-yı mezkûresiyle mesfûr Kirhor zimmîye bî-vech-i şer‘î mu‘ârazadan men‘ olunduğu huzûr[-ı âlîlerine i‘lâm olundu] Fî 2 Şa‘bân sene 1255