Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 120 Hüküm no: 122 Orijinal metin no: [14b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Salih Ağa’nın hanımının mehr-i muaccelini ödemesi [Mehr-i mu‘accel hükmü] mehr-i mu‘accelini ahz u kabz Ma‘rûz İstanbul’da Kocamustafapaşa kurbünde Ali Fakih mahallesinde sâkine mu‘arrefetü’z-zât Şerife Şefika bt. Mehmed nâm hatun İstanbul Bâb Mahkemesi’nde meclis-i şer‘-i münîrde hâlâ zevci bâ‘isü’l-i‘lâm Mehmed Salih Ağa b. Hafız Mehmed nâm kimesne muvâcehesinde ben bundan akdem nefsini [nefsimi] dört yüz guruş mehr-i müeccel [mu‘accel] ve üç yüz yirmi beş guruş mehr-i müeccel tesmiye<>leriyle mezbûr Mehmed Salih Ağa’ya tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i merkūm dört yüz guruşu zevcim mezbûr henüz bana edâ ve îfâ etmediğine mebnî mehr-i mu‘accel-i merkūm dört yüz guruşu zevcim merkūm işbu meclis-i şer‘de bana def‘ ü teslîm ve ben dahi yedinden ahz u kabz etmemle fî-mâ ba‘d zevcim mezbûr Mehmed Salih Ağa zimmetinde meblağ-ı mezkûrdan bir akçe ve bir habbe hakkım ve alacağım kalmamışdır deyü mukırra-i mezbûrenin bi’l-cümle takrîr-i meşrûhunu mezbûr Mehmed Salih Ağa’nın tasdîk eylediği tescîl ve bi’l-iltimâs huzûr[-ı âlîlerine i‘lâm olundu] Fî 8 Şa‘bân sene [12]55