Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 120 Hüküm no: 123 Orijinal metin no: [14b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Ağa’nın hanımının mehr-i muaccelini ödemesi 500 guruş mehr-i mu‘accel hükmü Ma‘rûz Sâhibe-i arzuhâl mu‘arrefetü’z-zât Fâtıma bt. Mehmed nâm hatun İstanbul Bâb Mahkemesi’nde meclis-i şer‘-i münîrde hâlâ zevci derûn-ı arzuhâlde ismi mezkûr Osman Ağa b. İsmail nâm kimesne muvâcehesinde ben bundan akdem nefsimi beş yüz guruş mehr-i <> mu‘accel ve iki yüz elli guruş mehr-i müeccel tesmiyeleriyle merkūm Osman Ağa’ya tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i müeccel-i [mu‘accel] mezkûr beş yüz guruşu bana edâya zevcim mezbûr Osman Ağa’ya tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu bi tamâmihi ikrâr ü i‘tirâf etmeğin mûcebince <> mehr-i mu‘accel-i mezkûr beş yüz guruşu zevcesi müdde‘iyye-i mezbûre Fâtıma Hatun’a edâya merkūm Osman Ağa’ya tenbîh olunduğu huzûr[-ı âlîlerine i‘lâm olundu] Fî 18 Şa‘bân sene [12]55