Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 121 Hüküm no: 124 Orijinal metin no: [14b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro’nun borcunu ödemesi 360 guruşa hüküm Ma‘rûz Tütüncü esnâfından Veliyyüddin Ağa b. Ali nâm kimesne İstanbul Bâb Mahkemesi’nde meclis-i şer‘-i münîrde esnâf-ı merkūmeden Petro v. Yuvan nâm zimmî muvâcehesinde mersûm Petro zimmî zimmetinde târîh-i i‘lâmdan dört sene mukaddem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat duhân semeninden dokuz yüz elli guruşdan bâkī üç yüz altmış alacak hakkım olmağla hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu tâyi‘an ve kat‘iyyen ikrâr ü i‘tirâf etmeğin mûcebince meblağ-ı bâkī-i mezkûr üç yüz altmış guruşun müdde‘î-i merkūm Veliyyüddin Ağa’ya edâ ve teslîmiyle mesfûr Petro zimmî ilzâm olunduğu mübâşirleri Bâb-ı âlî kavaslarından Sultanmehmedli Kadri Kavas kulları yediyle huzûr[-ı âlîlerine i‘lâm olundu] Fî 16 Şa‘bân sene [12]55