|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 101 Hüküm no: 77 Orijinal metin no: [18a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yoros kazasının Şeyhler nâhiyesi Dudu köyündeki Kanarca-i sagir camii kayyumluk ve meremmetci cihetlerinin Ahmed b. İbrahim’e tevcihi
Ma‘rûz,
Sâdır olan fermân-ı âlîlerine imtisâlen medîne-i Üsküdar’a muzâfe Yoros kazâsında Şeyhler nâhiyesinde Dudu karyesinde Kanarca-i sagīr demekle ma‘rûf câmi‘-i şerîfinde yevmî nîm akçe vazîfe ile meremmetci cihetine mutasarrıf olan Mehmed b. Salih fevt olup ve yine nâhiye-i mezkûrede İskenderli ve Kırktepe ve Gündüzlü nâm karye ahâlîleri Kanarca-i sagīre binâ eyledikleri câmi‘i- şerîfde ber-vech-i hasbî kayyumluk cihetine mutasarrıflar olan Hasan ve Mustafa ibney Mehmed nâm karındaşlar dahi bundan akdem fevt olup yerler hâlî ve hizmet-i lâzımeleri mu‘attal kaldığından bahisle sahib-i arzuhâl Ahmed b. İbrahim ciheteyn-i mezkûreteyn merkūmûnun mahlûlünden kendüye tevcîh ve yedine berat-ı şerîf i‘tâsı istid‘â-yı inâyet eder fi’l-hakīka meremmetci ciheti Mehmed b. Salih’in üzerinde olduğu ve kayyumluk-ı mezkûr merkūmân Hasan ve Mustafa ibney Mehmed nâm karındaşlar başka başka üzerlerinde olduğu askerî rûznâmçesinde müstebân olmağla ve merkūmûnun müte‘âkiben bilâ-veled fevtleri vâki‘ ve sahib-i arzuhâl Ahmed’in erbâb-ı istihkākdan idiğini kazâ-i mezbûr ahâlîlerinden Salih b. Mustafa ve Ali b. Ahmed ve Ali b. Osman nâm kimesneler alâ-tarîkı’ş-şehâde ihbârlarıyla zâhir ve mütehakkık olmağın bu sûretde ciheteyn-i mezkûreteyn vazîfe-i mu‘ayyenesiyle merkūmûnun bilâ-veled mahlûllerinden sahib-i arzuhâl Ahmed b. İbrahim dâ‘îlerine tevcîh ve yedine berat-ı âlîşân sadaka ve ihsân buyurulmak husûsu re’y-i sâmîlerine menût idiği huzûr-ı âlîlerine i‘lâm olundu.
Fî-sene ( ).
|