Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 129 Hüküm no: 136 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gözlemeci Hüseyin’in borcunu ödemesi 450 guruşa hüküm Ma‘rûz Yağcı esnâfından Sotiri v. Fohari nâm zimmî İstanbul Bâb Mahkemesi’nde meclis-i şer‘-i hatîrde Gözlemeci Hüseyin b. Hasan nâm kimesne muvâcehesinde merkūm Hüseyin zimmetinde târîh-i i‘lâmdan on beş gün mukaddem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat revgan-ı çerviş semeninden ba‘de külli’l-hesâb gayr-ı ez-teslîmât sahhu’l-bâkī dört yüz elli guruş alacak hakkım olmağla meblağ-ı bâkī-i mezkûr[u] merkūm Hüseyin’den hâlâ taleb ederim deyü <> da‘vâ ettikde ol dahi cevâbında ber-vech-i muharrer ikrâr u i‘tirâf etmeğin alâ-mûcibi i‘tirâfihi meblağ-ı bâkī-i mezkûr dört yüz elli guruşun müdde‘î-i mesfûr Sotiri zimmîye edâsıyla merkūm Hüseyin ilzâm olunduğu huzûr[-ı âlîlerine i‘lâm olundu] Fî 23 Şa‘bân sene 1255