Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 129 Hüküm no: 137 Orijinal metin no: [16b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Hıristo’nun havaleden kaynaklanan borcunu ödemesi 680 guruşa hüküm İhrâc şüd, Fî 13 C [Cumâdelâhire] sene [1]258 Ma‘rûz Sahtiyân tüccârından derûn-ı arzuhâlde ismi mezkûr es-Seyyid Mustafa b. Ali İstanbul Bâb Mahkemesi’nde meclis-i şer‘-i münîrde arzuhâl eden Terzi Hıristo v. Tanaş nâm zimmî muvâcehesinde benim gāib ani’l-meclis Ali Yazıcı b. el-Hâc Halil b. Abdullah nâm kimesne zimmetinde sahtiyân semeninden altı yüz seksen guruş alacak hakkım olup gāib-i mezbûr Ali Yazıcı işbu târîh-i i‘lâmdan dokuz ay mukaddem İstanbul’da Sabuncular Han’ı derûnunda Sabuncular Kethüdâsı İsmail Ağa’nın odasında deyn-i mezkûruyla beni mesfûr Hıristo zimmî üzerine üçümüz bir meclisde hâzır olduğumuz hâlde havâle-i mutlaka-i sahîha-i şer‘iye ile havâle ve her birimiz havâle-i mezkûreyi kabûl etmişidik el-hâletü hâzihî meblağ-ı muhâlün-bih-i mezkûreyi mesfûr Hıristo zimmîden hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘î-i merkūm ber-vech-i muharrer müdde‘âsını adl ve makbûlü’ş-şehâde idikleri ihbâr olunan es-Seyyid Mehmed Memiş Ağa b. es-Seyyid Mehmed ve Mehmed Emin Ağa b. Mustafa nâm kimesneler şehâdetleriyle bi’l-muvâcehe ber-nehc-i şer‘î isbât etmeğin mûcebince meblağ-ı muhâlün-bih-i mezkûr altı yüz seksen guruşu müdde‘î-i merkūm es-Seyyid Mustafa Ağa’ya bi-hükm <> i’l-havâle edâ ve teslîme mesfûr Hıristo zimmîye tenbîh olunduğu huzûr[-ı âlîlerine i‘lâm olundu] Fî 18 Şa‘bân sene 1255