Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 130 Hüküm no: 138 Orijinal metin no: [16b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın borcunu ödemesi Dört yüz guruşa hüküm Ma‘rûz Arzuhâl eden Peştemalci Hazer v. Galot nâm zimmî İstanbul Bâb Mahkemesi’nde meclis-i şer‘-i münîrde derûn-ı arzuhâlde ismi mezkûr Ahmed Ağa b. Salih nâm kimesne muvâcehesinde Ekmekçioğlu Nikegos v. Karabet nâm zimmî hâzır olduğu hâlde ben bundan akdem merkūm Ahmed Ağa’nın hâzır-ı mesfûr Nikegos zimmîye zimmetinde cihet-i karzdan deyni olan dört yüz seksen dört guruşa tarafeynden bi’l-emr ve’l-kabûl kefîl ve dâmin olduğumdan sonra meblağ-ı mekfûlün-bih-i mezkûru hâzır-ı mesfûr Nikegos zimmî kefâlet-i mahkiyeme binâen benden mütâlebe ve ahzetmişidi el-hâletü hâzihî meblağ-ı mezkûr dört yüz seksen dört guruşu mezbûr Ahmed Ağa’dan bi’l-mürâca‘a hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr dört yüz seksen dört guruşun müdde‘î-i mesfûr Hıristo zimmîye edâya <> mezbûr Ahmed Ağa ilzâm olunduğu huzûr[-ı âlîlerine i‘lâm olundu] Fî 21 Şa‘bân sene 1255