Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 136 Hüküm no: 146 Orijinal metin no: [18a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıztaşı Hamamı Destgâhdarı Hüseyin’in borcunu ödemesi 400 guruşa sulh Ma‘rûz el-Hâc İbrahim Efendi b. Mehmed nâm kimesne İstanbul Bâb Mahkemesi’nde meclis-i şer‘-i enverde İstanbul’da Kıztaşı Hamamı Destgâhdârı es-Seyyid Hüseyin b. es-Seyyid Hasan nâm kimesne muvâcehesinde ben târîh-i i‘lâmdan dört gün mukaddem tathîr-i beden etmek içün hamam-ı mezkûra vardığımda mâlımdan yedi yüz guruş kıymetli bir Markovit koyun sâ‘atimi mezbûr es-Seyyid Hüseyin’e teslîm eylediğimde ol dahi ahz u kabz edip lâkin zikr olunan sâ‘ati ta‘addî ve takābbuzundan nâşî istihlâk etmekle kıymet-i mezkûresi olan yedi yüz guruşu merkūmdan tazmîn taleb ederim deyü tasaddî eylediğim da‘vâmdan bâ-tavassut-ı muslihîn mezbûr Hüseyin ile bi’t-tav‘ ve’r-rızâ dört yüz guruş üzerine ba‘de-akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik [18b] deyü ba‘de’l-ikrâr ve’t-tasdîk ibrâdan müstesnâ bedel-i sulh-ı merkūm dört yüz guruşun müdde‘î-i merkūm el-Hâc İbrahim Efendi’ye edâsıyla mezbûr es-Seyyid Hüseyin ilzâm olunduğu mübâşirleri Dîvân-ı âlî çavuşlarından Osman Çavuş kulları yediyle huzûr[-ı âlîlerine i‘lâm olundu] Fî 28 Receb sene [12]55