Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 136 Hüküm no: 147 Orijinal metin no: [18b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro’nun borcunu ödemesi 500 guruşa hüküm Ma‘rûz Bakkāl tâifesinden İlya v. Vasil nâm zimmî İstanbul Bâb Mahkemesi’nde meclis-i şer‘-i hatîrde Petro v. Danil nâm zimmî muvâcehesinde mesfûr Petro zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği yedi yüz guruş ve semen-i mebî‘den iki yüz elli beş guruş ki cem‘an dokuz yüz elli beş guruş alacak hakkımın dört yüz elli beş guruşunu mukaddemâ rızâmla hatt ü tenzîl ve mütâlebesine müte‘allika da‘vâdan mesfûrun zimmetini kabûlü hâvî ibrâ ve iskāt etmemle bâkīsi olan beş yüz guruşu işbu yedimde olan Rûmiyyü’l-imlâ bir kıt‘a temessük mantûkunca mersûm Petro zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr beş yüz guruşu müdde‘î-i mersûm İlya zimmîye edâsıyla mesfûr Petro zimmî ilzâm olunduğu mübâşirleri Bâb-ı âlî kavaslarından Seyyid Ali Kavas kulları yediyle huzûr[-ı âlîlerine i‘lâm olundu] Fî 18 Şa‘bân sene [12]55