Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 137 Hüküm no: 148 Orijinal metin no: [18b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Avram’ın borcunu ödemesi 280 guruşa hüküm Ma‘rûz Derûn-ı arzuhâlde ismi mastûr Mihal v. Yani nâm zimmî İstanbul Bâb Mahkemesi’nde meclis-i şer‘-i hatîrde sâhib-i arzuhâl Avram v. Kemal nâm Yahûdi muvâcehesinde mersûm Avram Yahûdi <> zimmetinde semen-i mebî‘den beş yüz yirmi guruş alacak hakkım olmağla meblağ-ı mezkûru mesfûr Avram Yahûdi’den hâlâ taleb ederim deyü tasaddî eylediği[m] da‘vâdan bâ-tavassut-ı muslihîn mesfûr Avram zimmî ile bi’t-tav‘ ve’r-rızâ iki yüz seksen guruş üzerine ba‘de-akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika âme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr iki yüz seksen guruşu müdde‘î-i mersûm Mihal zimmîye bi’t-taleb edâ ve teslîme Avram Yahûdi’ye tenbîh olunduğu huzûr[-ı âlîlerine i‘lâm olundu] Fî 22 Şa‘bân sene [12]55