Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 137 Hüküm no: 149 Orijinal metin no: [18b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçük yaşta evlendirilen Şerife Emine’nin bülûğa erdikten sonra boşanmayı tercih ettiği Hıyâr-ı bülûğ Ma‘rûz Medîne-i Hazret-i Ebâ Eyyûb el-Ensârî -radıyallahu anhu Rabbihi’l-Bârî- mahâllâtından Nişancı Mustafapaşa mahallesinde sâkine sinn ü cüssesi bülûğa mütehammil ve zâtı ta‘rîf-i şer‘î ile mu‘arrefe olan sâhibe-i arzuhâl Şerife Emine bt. es-Seyyid Mustafa nâm <> bikr-i bâliğa İstanbul Bâb Mahkemesi’nde meclis-i şer‘-i münîrde zevc-i gayr-ı dâhili gāib ani’l-beled Mehmed nâm kimesnenin babası derûn-ı arzuhâlde ismi mezkûr el-Hâc Ahmed Ağa b. Ahmed nâm kimesne muvâcehesinde mezbûrenin li-ebeveyn hâli asâkir-i mansûre sağ kol ağalarından İbrahim Ağa b. İsmail hâzır olduğu hâlde ben sagīre olduğum hâlde işbu târîh-i i‘lâmdan dört sene mukaddem veliyy-i akrebim hâzır-ı merkūm İbrahim Ağa beni yedi yüz guruş mehr-i mu‘accel ve dört yüz guruş mehr-i müeccel tesmiyeleriyle bi’l-velâye gāib-i mezbûra tezvîc ve tenkîh eylediğinde gāib-i mezbûr dahi tezevvüc ve kabûl edip lâkin zevcim gāib-i mezbûr bana kable’d-duhûl ben işbu sene-i mübâreke Saferi’l-hayrı’nın beşinci günü mahalle-i mezbûrede sâkine olduğum menzilde rü’yet-i dem-i hayızla bâliğa olduğum anda hıyâr-ı bülûğla zevcim gāib-i merkūmdan firkat ihtiyâr ve iştihâd [istişhâd] etmemle öyle olacak babası mezbûr muvâcehesinde tefrîkime hükmolunmak matlûbumdur deyü mezbûre Şerife Emine’nin müdde‘âsını zevci gāib-i merkūmun huzûruna tevkīf olunduğu huzûr[-ı âlîlerine i‘lâm olundu] Fî 18 Şa‘bân sene [12]55