Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 138 Hüküm no: 151 Orijinal metin no: [19a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fincancı Ali’nin Mehmed Memiş Ağa’dan alacaklı olduğu yolundaki iddiasını ispatlayamadığı Mu‘ârazadan men‘ Ma‘rûz Sâhib-i arzuhâl Fincancı Ali b. İbrahim İstanbul Bâb Mahkemesi’nde meclis-i şer‘de derûn-ı arzuhâlde ismi mezkûr Mehmed Memiş Ağa b. Hüseyin muvâcehesinde ben ücret ile hizmet eder makūleden olmamla mezbûr Mehmed Memiş Ağa’nın talebiyle Anadolu’da Amasra kazâsı iskelesinde binâ ve inşâ eylediği ma‘ûnelere beş ay müddet ücret kavlinsiz kalafatçılık etmemle müddet-i mezkûrede müstehak olduğum ecr-i mislimi mezbûr Memiş Ağa’dan taleb ederim deyü da‘vâ ettikde ol dahi cevâbında külliyen inkâr etmekle müdde‘î-i merkūm ber-vech-i muharrer müdde‘âsına ikāmet-i beyyine edemeyip bi’t-taleb mezbûr Memiş Ağa bi’l-muvâcehe ber-nehc-i şer‘î tahlîf olunmağın mûcebince müdde‘î-i merkūm Ali da‘vâ-yı mezkûresiyle mezbûr Mehmed Memiş Ağa’ya bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 23 Şa‘bân sene [1]255