Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 140 Hüküm no: 155 Orijinal metin no: [19b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağcı Kostandi’nin borcunu ödemesi 800 guruşa tenbîh Ma‘rûz Bâ‘isü’l-i‘lâm Bağcı el-Hâc Osman Ağa b. Mehmed nâm kimesne İstanbul Bâb Mahkemesi’nde meclis-i şer‘de Bağcı Kostandi v. Nikola nâm zimmî muvâcehesinde mersûm Kostandi zimmî zimmetinde bundan akdem mâlımdan ve yedimden iştirâ ve kabz eylediği kantar ve fiâtı beynimizde ma‘lûm kantaşı semeninden ba‘de külli’l-hesâb sahhu’l-bâkī bin üç yüz otuz dokuz guruş alacak hakkım olmağla [meblağ-ı] mezkûru mesfûr Kostandi zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Kostandi zimmî ile bi’t-tav‘ ve’r-rızâ sekiz yüz guruş üzerine sulh olduğumda ol dahi sulh-ı mezkûru ba‘de’l-kabûl mâ‘adâ ziyâde müdde‘âma ve bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ibrâdan müstesnâ bedel-i sulh-ı mezkûr sekiz yüz guruşu müdde‘î-i merkūm el-Hâc Hasan Ağa’ya edâya mesfûr Kostandi zimmîye tenbîh olunduğu mübâşirleri Bâb-ı Seraskerî kavaslarından Hasan Kavas kulları yediyle huzûr[-ı âlîlerine i‘lâm olundu] Fî 29 Şa‘bân sene [12]55