.:: İstanbul Kadı Sicilleri ::.


Bab Mahkemesi 397 Numaralı Sicil (H. 1255-1256 / M. 1839-1840)
cilt: 95, sayfa: 141
Hüküm no: 156
Orijinal metin no: [19b-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Mehmed İzzet Ağa’nın hanımına olan mehir borcunu ödemesi

600 guruşa mehr-i mu‘accel hükmü

İstanbul hısnı ebvâbından Balatkapısı dâhilinde Hammâmî Muhyiddin mahallesinde sâkine mu‘arrefetü’z-zât Havva bt. İbrahim nâm hatun İstanbul Bâb Mahkemesi’nde meclis-i şer‘-i münîrde hâlâ zevci tabancacı esnâfından Mehmed b. İzzet Ağa b. Mehmed Ali nâm kimesne muvâcehesinde ben bundan akdem nefsimi altı yüz guruş mehr-i mu‘accel ve üç yüz guruş mehr-i müeccel tesmiyeleriyle merkūm Mehmed İzzet Ağa’ya tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i mezkûr yedi yüz guruşu bana edâya zevcim merkūm Mehmed İzzet Ağa’ya tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere <

    > olduğunu ikrâr ü i‘tirâf etmeğin mûcebince mehr-i mu‘accel-i merkūm altı yüz guruşu <> zevcesi müdde‘iyye-i mezbûre Havva Hatun’a edâya mezbûr Mehmed İzzet Ağa’ya tenbîh olunduğu mübâşirleri Bâb-ı Seraskerî kavaslarından Veliyyüddin Kavas kulları yediyle huzûr[-ı âlîlerine i‘lâm olundu]

    Fî 19 Şa‘bân sene [12]55