Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 141 Hüküm no: 157 Orijinal metin no: [19b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos’un borcunu ödemesi 215 guruşa ikrâr, hüküm Ma‘rûz Sâhib-i arzuhâl Ekmekçi Salih b. Osman nâm kimesne İstanbul Bâb Mahkemesi’nde meclis-i şer‘de derûn-ı arzuhâlde ismi mastûr Bogos v. Avanis nâm zimmî muvâcehesinde mezbûrun zimmetinde bundan akdem mâlımdan ve yedimden iştirâ ve kabz eylediği nân-ı azîz semeninden ba‘de külli’l-hesâb gayr-ı ez-teslîmât sahhu’l-bâkī iki yüz on beş guruş alacak hakkım olmağla meblağ-ı mezkûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr iki yüz on beş guruşun müdde‘î-i merkūm Salih’e edâsıyla mesfûr Bogos zimmî ilzâm olunduğu huzûr[-ı âlîlerine i‘lâm olundu] Fî 28 Şa‘bân sene [12]55