Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 143 Hüküm no: 160 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Börekçi Hüseyin’in borcunu ödemesi 520 guruşa hüküm Ma‘rûz Derûn-ı arzuhâlde mezkûrü’l-ism yağcı esnâfından el-Hâc Hasan Ağa b. Ömer nâm kimesne İstanbul Bâb Mahkemesi’nde meclis-i şer‘de sâhib-i arzuhâl Börekçi es-Seyyid Hüseyin b. es-Seyyid Mehmed nâm kimesne muvâcehesinde mezbûr es-Seyyid Hüseyin zimmetinde bundan akdem mâlımdan ve yedimden iştirâ ve kabz eylediği vezn ve fiâtı beynimizde ma‘lûm revgan-ı çerviş semeninden ba‘de külli’l-hesâb gayr-ı ez-teslîmât sahhu’l-bâkī beş yüz yirmi guruş alacak hakkım olmağla meblağ-ı mezkûru es-Seyyid Hüseyin’den hâlâ taleb ederim deyü da‘vâ ettikde ol dahi cevâbında ikrâr ü i‘tirâf etmeğin alâ-mûcibi i‘tirâfihi meblağ-ı mezkûr beş yüz yirmi guruşu müdde‘î-i mezbûr el-Hâc Hüseyin Ağa’ya [e]dâ ve teslîme merkūm es-Seyyid Hüseyin ilzâm olunduğu huzûr[-ı âlîlerine i‘lâm olundu] Fî 29 Şa‘bân sene [12]55