Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 144 Hüküm no: 162 Orijinal metin no: [20b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın borcunu ödemesi 450 guruşa hüküm Bâ‘isü’l-i‘lâm Nikegos v. Kigork nâm zimmî İstanbul Bâb Mahkemesi’nde meclis-i şer‘de el-Hâc Hasan Ağa b. el-Hâc Halil nâm kimesne muvâcehesinde benim gāib ani’l-beled Serkiz v. Atam nâm zimmî zimmetinde cihet-i deyn-i şer‘îden dört yüz elli guruş alacak hakkım olup onun dahi merkūm el-Hâc Hasan Ağa zimmetinde bir re’s doru bârgir semeninden kezâlik dört yüz elli guruş alacak hakkı olmağla târîh-i i‘lâmdan kırk gün mukaddem gāib-i mesfûr Serkiz zimmî İstanbul’da Parmakkapı’da balmumcu dükkânında üçümüz bir meclisde hâzır olduğumuz hâlde ben ol mikdâr guruş deyni merkūm el-Hâc Hasan Ağa üzerine havâle-i sahîha ile havâle ve her birimiz havâle-i mezkûreyi kabûl etmişidik el-hâletü hâzihî meblağ-ı muhâlün-bih-i mezkûru merkūm el-Hâc Hasan Ağa’dan bi-hükmi’l-havâle hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin alâ-mûcibi i‘tirâfihi meblağ-ı muhâlün-bih-i mezkûru [mezkûr] dört yüz elli guruş[u] müdde‘î-i mersûm Nikegos zimmîye bi-hükmi’l-havâle edâ ve teslîme merkūm el-Hâc Hasan Ağa’ya tenbîh olunduğu huzûr[-ı âlîlerine i‘lâm olundu] Fî 26 Şa‘bân sene [12]55 < İstanbul’da>>