Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 145 Hüküm no: 163 Orijinal metin no: [21a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avram’ın yaşı küçük olan Mıgırdıç aleyhine açtığı alacak davasının ertelendiği Şâbb-ı emredin da‘vâ meşrû‘a olmadığı [Ma‘rûz] Şerbetci tâifesinden Avram v. Yuvan zimmî İstanbul Bâb Mahkemesi’nde meclis-i şer‘-i hatîrde Mıgırdıç v. Hıristo nâm şâbb-ı emred muvâcehesinde mesfûr Mıgırdıç zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin üç yüz kırk yedi buçuk guruş alacak hakkım olmağla meblağ-ı mezkûru mesfûr Mıgırdıç zimmîden hâlâ taleb ederim deyü da‘vâ ettikde ol dahi cevâbında külliyen inkârından mâ‘adâ mersûm Mıgırdıç şâbb-ı emred ve müdde‘î-i mersûm dahi mazanna-i sû-i töhmet olup bu makūle şâbb-ı emredden akçe ve mal mütâlebesi edenlerin da‘vâları istimâ‘ından hükkâm-ı kirâm bâ-emr-i âlî memnû‘lar olmalarıyla müdde‘î-i mesfûrun da‘vâsı mesfûr Mıgırdıç’ın vakt-i iltihâsına tevkīf olunduğu mübâşirleri Bâb-ı Seraskerî kavaslarından Mustafa Kavas [kulları yediyle huzûr-ı âlîlerine i‘lâm olundu] Fî-selhi Şa‘bân sene [1]255.