Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 145 Hüküm no: 164 Orijinal metin no: [21a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manuk v. Mardiros’un borcunu ödemesi 1199 guruşa hüküm Ma‘rûz Agop v. Bogos zimmî İstanbul’da Bâb mahkemesi’nde meclis-i şer‘-i hatîrde Manuk v. Mardiros nâm zimmî muvâcehesinde mersûm Manuk zimmî zimmetinde semen-i mebî‘den iki bin yedi yüz otuz dokuz guruş alacak hakkım olup hattâ meblağ-ı mezkûr zimmetinde bana deyni olduğunu ikrâr ve karz ünvânıyla Ermeniyü’l-imlâ bir kıt‘a temessük dahi yedime i‘tâ etmişidi el-hâletü hâzihî meblağ-ı mezkûrun beş yüz kırk guruşunu zahr-ı temessük mantûkunca mukaddemâ ceste ceste kabz u istîfâ etmemle bâkīsi olan bin yüz doksan dokuz guruşu mesfûr Manuk zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr bin yüz doksan dokuz guruşun müdde‘î-i mersûm Agop zimmîye edâsıyla mesfûr Manuk zimmî ilzâm olunduğu mübâşirleri Bâb-ı Seraskerî kavaslarından Mustafa Kavas kulları yediyle huzûr[-ı âlîlerine i‘lâm olundu] Fî 29 Şa‘bân sene 1255