Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 147 Hüküm no: 168 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hanım’ın Süleyman Kavas’tan alacaklı olduğu yolundaki iddiasını ispatlayamadığı Men‘ Ma‘rûz İstanbul’da Salmatomruk kurbünde Ka‘riye-i Atîkalipaşa mahallesinde sâkine mu‘arrefetü’z-zât Silistreli Rukiye bt. Mehmed nâm hatun İstanbul Bâb Mahkemesi’nde meclis-i şer‘-i münîrde zevc-i sâbıkı Bâb-ı Seraskerî kavaslarından Üsküdarî Süleyman Kavas b. Ebubekir muvâcehesinde mezbûr Süleyman Kavas zimmetinde mukaddemâ zevciyyet beynimizde kāime iken sene-i sâbıkā şehri Rebî‘ülâhiresi gurresi târîhiyle müverrah bir kıt‘a temessük mantûkunca mâlından [mâlımdan] ve yedimden iktirâz ve kabz <> eylediği beş yüz guruş alacak hakkım olmağla meblağ-ı mezkûr beş yüz guruşu merkūm Süleyman Kavas’dan hâlâ taleb ederim deyü da‘vâ ettikde ol dahi cevâbında külliyen inkâr etmekle müdde‘iyye-i mezbûre Rukiye Hatun ber-vech-i muharrer müdde‘âsına ikāmet-i beyyine edemeyip talebiyle merkūm Süleyman Kavas’a bi’l-muvâcehe vech-i şer‘î üzere yemîn verilmeğin mûcebince müdde‘iyye-i mezbûre Rukiye Hatun meblağ-ı mezkûr beş yüz guruş mütâlebesiyle mezbûr Süleyman Kavas’a bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 22 Ramazan sene [12]55