Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 148 Hüküm no: 170 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın borcunu ödemesi Ma‘rûz Bâ‘isü’l-i‘lâm Ali Ağa b. İzzet nâm kimesne İstanbul Bâb Mahkemesi’nde meclis-i şer‘-i münîrde Ahmed Ağa b. Abdülkerim nâm kimesne muvâcehesinde merkūm Ahmed Ağa zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği sekiz yüz seksen guruş alacak hakkım olmağla meblağ-ı mezkûru merkūm Ahmed Ağa’dan hâlâ taleb ederim deyü ba‘de’d-da‘vâ ve’l-istintâk ol dahi cevâbında kaziyye minvâl-i muharrer üzere olduğunu bi-tamâmihi ikrâr ü i‘tirâf etmeğin alâ-mûcibi i‘tirâfihi meblağ-ı mezkûr sekiz yüz seksen guruşun müdde‘î-i mezbûr Ali Ağa’ya edâsıyla merkūm Ahmed Ağa ilzâm olunduğu mübâşirleri Bâb-ı âlî kavaslarından Hacı Musa Kavas kulları yediyle huzûr[-ı âlîlerine i‘lâm olundu] Fî 14 Ramazan sene [12]55