Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 151 Hüküm no: 175 Orijinal metin no: [22b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Osman’ın kefaletten doğan borcunu ödemesi Kefâletine binâen 1000 guruşa hüküm Ma‘rûz Mehmed Ağa b. Veliyyüddin nâm kimesne İstanbul Bâb Mahkemesi’nde meclis-i şer‘-i münîrde Mehmed b. Osman nâm kimesne muvâcehesinde benim gāib ani’l-meclis Abraham Yahûdi zimmetinde cihet-i karzdan bâ-temessük alacağım olan bin guruşa bundan akdem merkūm Mehmed tarafından bi’l-emr ve’l-kabûl kefâlet-i sahîha-i şer‘iye ile kefîl ve dâmin olmağla meblağ-ı mekfûlün-bih-i mezkûr bin guruşu kefâletine binâen hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mekfûlün-bih-i mezkûr bin guruşun müdde‘î-i merkūm[a] bi-hükmi’l-kefâle edâsıyla mezbûr Mehmed ilzâm olunduğu mübâşirleri Bâb-ı Seraskerî kavaslarından Kasımpaşalı Seyyid Mehmed Kavas kulları yediyle huzûr[-ı âlîlerine i‘lâm olundu] Fî 19 Ramazan sene [12]55