Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 152 Hüküm no: 177 Orijinal metin no: [23a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tömbekici Tebrîzî Mehmed’in Yasin b. Talib’den alacaklı olduğu yolundaki iddiasını ispatlayamadığı 120 guruşa men‘ Ma‘rûz Tömbekici esnâfından Tebrîzî Mehmed b. Abdullah nâm kimesne İstanbul Bâb Mahkemesi’nde meclis-i şer‘-i münîrde medîne-i Şam-ı cennet-meşâm ahâlîsinden el-Hâc Yasin b. el-Hâc Talib muvâcehesinde merkūm el-Hâc Yasin zimmetinde târîh-i i‘lâmdan bir gün mukaddem mâlımdan ve yedimden iştirâ ve kabz eylediği beyaz üzerine çiçekli bir şal semeninden yüz yirmi guruş alacak hakkım olmağla hâlâ taleb ederim deyü da‘vâ ettikde ol dahi cevâbında inkâr etmekle müdde‘î-i mezbûr Mehmed ber-vech-i muharrer müdde‘âsına ikāmet-i beyyine edemeyip bi’t-taleb merkūm el-Hâc Yasin bi’l-muvâcehe vech-i şer‘î üzere tahlîf olunmağın mûcebince müdde‘î-i merkūm da‘vâ-yı mezkûresiyle mezbûr el-Hâc Yasin’e bilâ-beyyine mu‘ârazadan men‘ olunduğu mübâşirleri Bâb-ı Seraskerî kavaslarından Karagümrüklü İsmail Kavas kulları yediyle huzûr[-ı âlîlerine i‘lâm olundu] Fî 27 Ramazan sene [12]55