Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 153 Hüküm no: 178 Orijinal metin no: [23a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çekici Süleyman’ın borcunu ödemesi 400 guruş hüküm Ma‘rûz İstanbul’da Uzunçarşı kurbünde vâki’ Nerdübanlıhamam tellâklarından Tosyavî Mehmed b. Ahmed nâm kimesne İstanbul Bâb Mahkemesi’nde meclis-i şer‘-i münîrde Çekici Süleyman b. diğer Ahmed nâm kimesne muvâcehesinde merkūm Süleyman zimmetinde târîh-i i‘lâmdan beş ay mukaddem mâlımdan ve yedimden iktirâz ve kabz ve umûruna sarfla istihlâk eylediği dört yüz guruş alacak hakkım olmağla meblağ-ı mezkûr dört yüz guruşu merkūm Süleyman’dan hâlâ taleb ederim deyü ba‘de’d-da‘vâ ol dahi cevâbında kaziyye minvâl-i meşrûh üzere olduğunu bi-tamâmihâ ikrâr ve i‘tirâf etmeğin alâ-mûcibi i‘tirâfihi meblağ-ı mezkûr dört yüz guruşun müdde‘î-i mezbûr Mehmed’e edâ ve teslîme merkūm Süleyman ilzâm olunduğu mübâşirleri Bâb-ı Seraskerî kavaslarından Nevşehirli İbrahim Kavas kulları yediyle huzûr[-ı âlîlerine i‘lâm olundu] Fî 6 Şevvâl sene [12]55