Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 156 Hüküm no: 185 Orijinal metin no: [24a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kırşehirli Musa Ağa ile Nevşehirli Halil Ağa’nın Borlu Toma’ya olan borçlarını ödemeleri Tarafeynden 180 guruş [ve] 193 guruş hüküm Ma‘rûz İstanbul’da Mahmud Paşa-yı velî Câmi‘-i şerîfi kurbünde vâki’ Baltacı Han’ı demekle ma‘rûf Han’ın Oda Bekçisi Borlu Toma v. Ligor nâm zimmî İstanbul Bâb Mahkemesi’nde meclis-i şer‘-i hatîrde mültezim tâifesinden Nevşehirli Musa Ağa b. Hüseyin nâm kimesne muvâcehesinde Nevşehirli Halil Ağa b. Osman nâm kimesne hâzır olduğu hâlde benim mezbûr Musa Ağa zimmetinde cihet-i karzdan on üç guruş ve han-ı mezkûr benim taht-ı icâremde olmağla ben sene-i sâbıkā Zilka‘detü’ş-şerîfesi’nin gurresinde han-ı merkūmun <> tabaka-i vüstâsında kâin bir bâb odayı beher şehr altmış guruş kirâ mukāvelesiyle aded-i şuhûr beyân olunmaksızın merkūmân Musa Ağa ve Halil Ağa’ya îcâr ve teslîm eylediğimde onlar dahi ber-vech-i muharrer istîcâr ve tesellüm ve işbu sene-i mübâreke şehr-i Rebî‘ulâhiri gāyetine gelince oda-i mezkûrede ma‘an sâkinler olduktan sonra hâzır-ı merkūm Halil Ağa ile fesh-i icâre ve hurûc birle sene-i mezbûre Cumâdelûlâsı gurresinden târîh-i i‘lâma gelince dört <> ay yirmi gün dahi merkūm Musa Ağa bi’l-istîcâr müstakıllen sâkin olmağla müddet-i mezkûrede icâre-i mezkûreden ber-vech-i muharrer mezbûrânın zimmetlerinde müctemi‘ altı yüz kırk guruş ki cem‘an altı yüz elli üç guruşun iki yüz seksen guruşunu mezbûr Musa Ağa yedinden kabz etmemle bâkīsi olan üç yüz yetmiş üç guruşdan mezbûr Musa Ağa’nın hissesine îcâb eden yüz doksan üç guruşu merkūm Musa Ağa ve mezbûr Halil Ağa’nın hissesine iktizâ eden yüz seksen guruşu hâzır-ı mezbûr Halil Ağa’dan hâlâ taleb ederim deyü da‘vâ ettikde onlar dahi cevâblarında kaziyye minvâl-i meşrûh üzere olduğunu bi-tamâmihâ ikrâr ü i‘tirâf etmeleriyle alâ-mûcibi i‘tirâfihâ meblağ-ı mezkûr yüz doksan üç guruşu merkūm Musa Ağa’dan ve yüz seksen guruş mezbûr Halil Ağa’dan tahsîl ve müdde‘î-i mersûm Toma zimmîye te’diye ve teslîm ettirilmek iktizâ eylediği mübâşirleri Bâb-ı Seraskerî kavaslarından Üsküdarlı Mehmed Emin Kavas kulları yediyle huzûr[-ı âlîlerine i‘lâm olundu] Fî 15 Ramazan sene [12]55