Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 158 Hüküm no: 187 Orijinal metin no: [24b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manuk v. Mardiros’un borcunu ödemesi [1]199 guruş hüküm Ma‘rûz Agop v. Bogos nâm zimmî İstanbul Bâb Mahkemesi’nde meclis-i şer‘-i hatîrde Manuk v. Mardiros nâm zimmî muvâcehesinde mesfûr Manuk zimmî zimmetinde bundan akdem mâlımdan ve yedimden iştirâ ve kabz eylediği ma‘lûmü’z-zirâ‘ ve’l-fiyat çuka semeninden iki bin yedi yüz otuz dokuz guruş alacak hakkım olmağla meblağ-ı mezkûrun bin beş yüz guruşunu mukaddemâ mesfûrun yedinden kabz ve istîfâ etmemle bâkīsi olan bin yüz doksan guruşu mesfûr Manuk zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr bin yüz doksan dokuz guruşun müdde‘î-i mersûm Manuk [Agop] zimmîye edâsıyla mesfûr Manuk zimmî ilzâm olunduğu mübâşirleri Bâb-ı Seraskerî kavaslarından Mustafa Kavas kulları yediyle huzûr[-ı âlîlerine i‘lâm olundu] Fî 2 Ramazan sene [12]55