Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 159 Hüküm no: 190 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Havva Hanım’ın komşusundan aldığı leğeni iade etmesi Nüshateyn Ma‘rûz İstanbul’da Odunkapısı kurbünde Kepenekçisinan mahallesinde sâkine mu’arrefetü’z-zât Şerife Emine bt. Mustafa nâm hatun İstanbul Bâb Mahkemesi’nde meclis-i şer‘-i münîrde kezâlik zâtı mu‘arrefe Şerife Havva bt. Hüseyin nâm hatun muvâcehesinde merkūme Havva Hatun târîh-i i‘lâmdan on beş gün mukaddem mahalle-i mezbûrede vâki’ mutasarrife olduğum menzilime gelip mâlımdan seksen guruş kıymetli bir nühâs câmeşûy leğenimi fuzûlî ve bi-gayr-ı hakkın hufyeten ahz ve hâlâ yedinde mevcûd olmağla zikr olunan leğeni aynen bana teslîme mezbûre Şerife Havva Hatun’a tenbîh olunmak matlûbumdur deyü ba‘de’d-da‘vâ ve’l-istintâk mezbûre Şerife Havva Hatun dahi cevâbında kaziyye minvâl-i muharrer üzere olduğunu ikrâr ü i‘tirâf etmeğin mûcebince zikr olunan leğeni müdde‘iyye-i merkūme Şerife Emine Hatun’a aynen teslîme merkūme Şerife Havva Hatun’a tenbîh olunduğu mübâşirleri Bâb-ı âlî kavaslarından Hacı Kasım Kavas kulları yediyle huzûr[-ı âlîlerine i‘lâm olundu] Fî 8 Şevvâl sene 1255