Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 160 Hüküm no: 191 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın borcunu ödemesi Nüshateyn 120 guruşa sulh Ma‘rûz Arzuhâl eden Ohan v. Todori nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde ismi mezkûr Mehmed Ağa b. Ahmed nâm kimesne muvâcehesinde mezbûrun zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin altı yüz yetmiş altı guruşdan bâkī iki yüz guruş alacak hakkım olmağla meblağ-ı mezkûru merkūm Mehmed Ağa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm Mehmed Ağa ile bi’tav‘ ve’r-rızâ yüz yirmi [guruş] üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr yüz yirmi guruşun müdde‘î-i mersûm Ohan zimmîye edâsıyla merkūm Mehmed ilzâm olunduğu huzûr[-ı âlîlerine i‘lâm olundu] Fî 28 Şa‘bân sene [12]55 < Arzuhâl eden Ohan v. Todori nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde ismi mezkûr Mehmed Ağa b. Ahmed nâm kimesne muvâcehesinde mezbûrun zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin altı yüz <> yetmiş altı guruşdan bâkī iki yüz guruş alacak hakkım olmağla meblağ-ı mezkûru merkūm Mehmed Ağa’dan hâlâ taleb ederim deyü tasaddî sehven mükerrer şüd>>