Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 161 Hüküm no: 193 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsteryo v. Vasil’in borcunu ödemesi 90 guruşa hüküm Ma‘rûz Neccâr tâifesinden Anesti v. İstemat nâm zimmî İstanbul Bâb Mahkemesi’nde meclis-i şer‘-i hatîrde duva[r]cı tâifesinden İsteryo v. Vasil nâm zimmî muvâcehesinde mersûmun zimmetinde târîh-i i‘lâmdan bir sene mukaddem mâlımdan ve yedimden iktirâz ve kabz ve umûruna sarfla istihlâk eylediği doksan guruş alacak hakkım olmağla meblağ-ı mezkûr doksan guruşu mersûm İsteryo zimmîden hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm İsteryo zimmîye üç def‘a yemîn teklîf olundukda ol dahi yemînden nükûl etmeğin mûcebince meblağ-ı mezkûr doksan guruşu mersûm Anesti zimmîye edâ ve teslîme mesfûr İsteryo zimmîye tenbîh olunduğu mübâşirleri Bâb-ı Seraskerî kavaslarından Aksaraylı İzzet Kavas kulları yediyle huzûr[-ı âlîlerine i‘lâm olundu] Fî 6 Şevvâl sene [12]55