Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 162 Hüküm no: 194 Orijinal metin no: [25b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kunduracı Karabet’in kefaletten doğan borcunu ödemesi Ma‘rûz Sâhib-i arzuhâl Nevşehirli Osman Ağa b. Mehmed nâm kimesne İstanbul Bâb Mahkemesi’nde meclis-i şer‘-i münîrde derûn-ı arzuhâlde mastûrü’l-ism Kunduracı Karabet v. Avanis nâm zimmî muvâcehesinde benim gāib-i ani’l-meclis Foti v. Kostandi v. Atam zimmî zimmetinde cihet-i karzdan alacak hakkım olan 1000 guruşa bundan akdem mesfûr Karabet zimmî tarafeynden bi’l-emr ve’l-kabûl kefâlet-i mutlaka-i sahîha-i şer‘iye ile kefîl ve dâmin oldukdan sonra meblağ-ı mekfûlün- [bih-i] mezkûrun 450 guruşunu mukaddemâ kabz ü istîfâ etmemle bâkīsi olan 550 guruşu mesfûr Karabet zimmîden kefâlet-i mahkiyesine binâen hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince meblağ-ı mekfûlün bih-i mezkûr 550 guruşu müdde‘î-i merkūm Osman Ağa’ya bi-hükmi’l-kefâle edâ ve teslîmiyle mersûm Karabet zimmî ilzâm olunduğu huzûr[-ı âlîlerine i‘lâm olundu] Fî 12 Şevvâl sene [12]55