Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 163 Hüküm no: 197 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Ağa’nın borcunu ödemesi 625 guruş hüküm Ma‘rûz Anadolu’da Edremid kazâsında sâkin es-Seyyid Ali b. Abdullah nâm kimesne tarafından husûs-ı âti’l-beyânda vekîl-i sâbitü’l-vekâlesi sâhib-i arzuhâl es-Seyyid el-Hâc Emrullah Ağa b. es-Seyyid İbrahim nâm kimesne İstanbul Bâb Mahkemesi’nde meclis-i şer‘-i münîrde derûn-ı arzuhâlde ismi mezkûr el-Hâc İsmail Ağa b. Ahmed nâm kimesne muvâcehesinde müvekkilim merkūm es-Seyyid Ali Ağa’nın <> merkūm el-Hâc İsmail Ağa zimmetinde târîh-i i‘lâmdan dört sene mukaddem asel semeninden ba‘de külli’l-hesâb gayr-ı ez-teslîmât sahhu’l-bâkī altı yüz yirmi beş guruş alacak hakkı olmağla meblağ-ı mezkûru merkūm İsmail Ağa’dan bi’l-vekâle taleb ederim deyü ba‘de’d-da‘vâ ve’l-inkâr müddei‘î-i vekîl-i merkūm el-Hâc İsmail Ağa’dan bi’l-vekâle hâlâ taleb ederim deyü ba‘de’d-da‘vâ ve’l-inkâr müddei‘î-i vekîl-i merkūm el-Hâc Emrullah Ağa ber-vech-i muharrer müdde‘âsını her biri mahallerinde lede’t-tezkiye adl ve makbûlü’ş-şehâde idikleri ihbâr olunan el-Hâc İbrahim Ağa b. Halil ve Osman Ağa b. İbrahim nâm kimesneler şehâdetleriyle bi’l-muvâcehe vech-i şer‘î üzere isbât etmeğin mûcebince meblağ-ı mezkûr altı yüz yirmi beş guruşu müddei‘î-i vekîl-i merkūm es-Seyyid Ali Ağa içün müddei‘î-i vekîl-i merkūm Emrullah Ağa’ya edâ ve teslîme merkūm el-Hâc İsmail Ağa’ya tenbîh olunduğu huzûr[-ı âlîlerine i‘lâm olundu] Fî 17 Ramazan sene [12]55