Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 164 Hüküm no: 198 Orijinal metin no: [26a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marat v. Artin’in borcunu ödeyerek rehin bıraktığı çubuk takımlarını teslim aldığı Deyni teslîm sonra ibrâ Ma‘rûz Arzuhâl eden Simsar Salamon v. Avram nâm Yahûdi İstanbul Bâb Mahkemesi’nde meclis-i şer‘-i münîrde şerbetçi tâifesinden derûn-ı arzuhâlde ismi mastûr Marat v. Artin nâm zimmî muvâcehesinde mersûm Marat zimmî zimmetinde bundan akdem mâlımdan ve yedimden iktirâz ve kabz eylediği iki yüz elli guruş deyni mukābelesinde mâlından on iki aded çubuk takımlarını yedime rehin vaz‘ u teslîm etmişidi el-hâletü hâzihi bu def‘a mersûm Marat zimmî deyni olan meblağ-ı [mezkûr] iki yüz elli guruşu bana edâ ben dahi mârru’z-zikr çubuk takımlarını rehniyetden ba‘de’l-fekk mesfûr Marat zimmîye teslîm ve her birimiz âharın yedinden tamâmen ahz <> etmemizle bi’l-cümle husûs-ı mezkûra ve hukūk-ı sâire-i şer‘iyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 15 Ramazan sene [12]55