Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 169 Hüküm no: 206 Orijinal metin no: [27a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocasından boşanıp başkasıyla evlenen Şerife Fâtıma Hanım’ın küçük kızı Fâtıma’nın bakımını üstlendiği Sagīreyi anasının bilâ-nafaka infâk ve iksâya ta‘ahhüd Ma‘rûz İstanbul’da Hocapaşa kurbünde Karekî Hüseyinağa mahallesinde sâkine mu’arrefetü’z-zât Emine bt. Mehmed Salih nâm hatun İstanbul Bâb Mahkemesi’nde meclis-i şer‘-i münîrde zevc-i sâbıkı derûn-ı arzuhâlde mezkûrü’l-ism na‘lbur esnâfının kethüdâsı Halil Ağa b. Mehmed nâm kimesne muvâcehesinde merkūm Halil Ağa ile mukaddemâ zevciyyet beynimizde kāime iken mezbûrun firâşından hâsıla ve benden mütevellide sulbiye kızı üç yaşında Fâtıma nâm sagīre bi-hakkı’l-hıdâne hacr ü terbiyemde iken ben bu def‘a nefsimi sagīre-i mezbûreye ecnebî olan kimesneye tezvîc edip ol vechile hakk-ı hıdâne benden sâkıta ve hıdâne-i uhrâsı dahi olmadığından sagīre-i mezbûreyi benden ahz murâd etmişidi el-hâletü hâzihi merkūm Halil Ağa bu def‘a rızâsıyla sagīre-i mezbûreyi benim yanımdan terk eylediğinde ben dahi sagīre-i mezbûreyi haftada bir kere babası merkūm Halil Ağa’ya irâe ve kendi mâlımdan infâk ve iksâ edip babası mezbûr Halil Ağa’dan kat‘â nesne mütâlebe etmemeğe müte‘ahhide oldum deyü mukırra-i mezbûre Emine Hatun’un bi’l-cümle tarkîr [takrîr-i] meşrûhunu mezbûr Halil Ağa’nın tasdîk eylediği huzûr[-ı âlîlerine i‘lâm olundu] Fî 8 L. sene [12]55