Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 169 Hüküm no: 207 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merkepçi Derviş Mustafa’nın borcunu ödemesi 730 guruş ilzâm Ma‘rûz Sâhib-i arzuhâl es-Seyyid Halil b. Abdi nâm kimesne İstanbul Bâb Mahkemesi’nde meclis-i şer‘-i münîrde derûn-ı arzuhâlde mastûrü’l-ism Merkepçi Derviş Mustafa b. Mustafa nâm kimesne muvâcehesinde mezbûr Derviş Mustafa zimmetinde merkepçilik ücretimden yedi yüz otuz guruş alacak hakkım olmağla meblağ-ı mezkûru mezbûr Derviş Mustafa’dan hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ve i‘tirâf etmeğin mûcebince meblağ-ı mezkûr yedi yüz otuz guruşun müdde‘î-i merkūm Halil’e edâ ve teslîmiyle mezbûr Derviş Mustafa ilzâm olunduğu huzûr[-ı âlîlerine i‘lâm olundu] Fî 17 Şevvâl sene [1]255