Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 173 Hüküm no: 214 Orijinal metin no: [28a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın kendisine emanet bırakılan para ve eşyaları sahibine iade etmesi Eşyâ tenbîhine teslîm [Eşyâ teslîmine tenbîh] Ma‘rûz Sâhib-i arzuhâl asâkir-i bahriyeden İbrahim b. Abdullah nâm kimesne İstanbul Bâb Mahkemesi’nde meclis-i şer‘-i münîrde İstanbul’da Fener kapısı dâhilinde Abdi Subaşı mahallesinde sâkine derûn-ı arzuhâlde mezkûretü’l-ism mu’arrefetü’z-zât Tekfurdağlı Âişe bt. Osman nâm hatun muvâcehesinde mezbûre Âişe Hatun zimmetinde târîh-i i‘lâmdan bir sene mukaddem mâlımdan ve yedimden iktirâz ve kabz ve umûruna sarfla istihlâk eylediği bin guruş alacak hakkımın beş yüz guruş mütâlebesine müte‘allika da‘vâdan mezbûre Âişe Hatun’un zimmetini kabûlü hâvî ibrâ ve iskāt etmemle bâkīsi olan beş yüz guruş ile bundan akdem mâlımdan li-ecli’l-hıfz yedine îdâ‘ ve teslîm eylediğim bir çuka ferâce ve bir Trablus şalı ve iki simli çuka şalvar ve bir simli nîmteni aynen bana edâ ve teslîme mezbûre Âişe Hatun’a tenbîh olunmak matlûbumdur deyü da‘vâ ettikde mezbûre Âişe Hatun dahi cevâbında kaziyye minvâl-i meşrûh üzere olduğunu bi-tamâmihâ <> tâyi‘an ve kat‘an ikrâr ü i‘tirâf ve meblağ-ı bâkī-i mezkûr beş yüz guruş ile eşyâ-i muharrere-i mezkûreyi bi-a‘yânihâ mezbûr İbrahim’e edâ ve teslîme müte‘ahhide olduğu huzûr[-ı âlîlerine i‘lâm olundu] Fî 11 Şevvâl sene 1255