Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 174 Hüküm no: 215 Orijinal metin no: [28a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Darvare bt. Kigork’un borcunu ödemesi 70 guruşa hüküm Ma‘rûz-ı dâ‘î-i Devlet-i aliyyeleridir ki Bakkāl tâifesinden Yorgi v. Akram nâm zimmî İstanbul Bâb Mahkemesi’nde meclis-i şer‘-i hatîrde şahsı mu‘arrefe Varvara bt. Kigork nâm Nasrâniye muvâcehesinde mersûme Varvara Nasrâniye zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat erzâk-ı mütenevvi‘a semeninden gayr-ı ez-teslîmât sahhu’l-bâkī yetmiş guruş alacak hakkım olan meblağ-ı mezkûru mersûme Varvara Nasrâniyeden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr yetmiş guruşun müdde‘î-i mersûm Yorgi zimmîye edâ ve teslîmiyle mesfûre Varvara Nasrâniye ilzâm olunduğu mübâşirleri Bâb-ı Dîvân-ı âlî ç[avuşlarından] İbrahim Çavuş [kulları yediyle huzûr-ı âlîlerine i‘lâm olundu] Fî 23 Şevvâl sene [12]55