Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 176 Hüküm no: 217 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Halil’in boşandığı hanımı Ayşe Hatun’a mehr-i muaccelini ödemesi Ma‘rûz İstanbul’da Nakkaşpaşa kurbünde Ördekkasap mahallesinde sâkine zâtı mu‘arrefe Şerife Âişe Hatun bt. el-hâzır es-Seyyid Mustafa b. Halil İstanbul Bâb Mahkemesi’nde meclis-i şer‘-i münîrde hâlâ zevci Mehmed b. Mustafa muvâcehesinde bundan akdem nefsimi sekiz yüz bir guruş mehr-i mu‘accel ve altı yüz elli guruş mehr-i müeccel tesmiyeleriyle mezbûr Mehmed’e tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûrumu henüz bana edâ ve îfâ etmemekle suâl olunup mehr-i mu‘accel-i merkūm sekiz yüz bir guruşu bana edâya zevcim mezbûra tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olduğunu tâyi‘an ikrâr ü i‘tirâf etmeğin mûcebince mehr-i mu‘accel-i merkūm sekiz yüz bir guruşu zevcesi müdde‘iyye-i mezbûre Şerife Âişe Hatun’a edâ ve teslîme mezbûr Mehmed’e tenbîh olunduğu bi’l-iltimâs huzûr[-ı âlîlerine i‘lâm olundu] Fî 16 Şevvâl sene [12]55