Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 177 Hüküm no: 220 Orijinal metin no: [29a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım’ın kocasından muhalaa yoluyla boşandığı Muhâla‘a Ma‘rûz İstanbul’da Cibâli kapısı dâhilinde Üskübî mahallesinde sâkine sâhibe-i arzuhâl mu’arrefetü’z-zât Ümmügülsüm bt. Mustafa nâm hatun İstanbul Bâb Mahkemesi’nde meclis-i şer‘-i münîrde derûn-ı arzuhâlde ismi mezkûr Mehmed Efendi b. Ahmed nâm kimesne muvâcehesinde mezbûr Mehmed Efendi zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel hakkım olan beş yüz guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim merkūm Mehmed ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve zevcim mezbûrun [29b] mâlı olarak yedimde olup aynen kendiye teslîme müte‘ahhide olduğum bir cild Delâilü’l-hayrât ve iki aded kiras çubuk ma‘a takım ve bir gömlek ma‘a don ve bir duhân kesesi ve bir el yemenîsi ve bir su testisi ve cihet-i karzdan deynim olup çend rûz zarfında edâya kezâlik müte‘ahhide olduğum seksen dört guruşdan mâ‘adâ ibtidâ-i zevciyyetden işbu târîhe gelince sâir cemî‘ hukūk-ı şer‘iyeye müte‘allika âmme-i de‘âvîden tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 6 Şevvâl sene [12]55