Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 185 Hüküm no: 233 Orijinal metin no: [31a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Klimyanos v. Yorgi’nin borcunu ödemesi 492 guruş hüküm Ma‘rûz Bakkāl tâifesinden Bretamos v. Bağimi? nâm zimmî İstanbul Bâb Mahkemesi’nde meclis-i şer‘-i münîrde mukaddemâ hizmetkârı Kimyanos v. Yorgi nâm zimmî muvâcehesinde mersûm Kimyanos zimmî zimmetinde târîh-i i‘lâmdan altı ay mukaddem mâlımdan ve yedimden iktirâz ve kabz ve umûruna sarfla istihlâk eylediği dört yüz yirmi bir guruş ve bi-şartı’r-rücû‘ emriyle cizye evrâkına verdiğim altmış guruş ve bir çift ayak yemenîsine verdiğim on bir guruş ki min-haysü’l-mecmû‘ dört yüz doksan iki guruş alacak hakkım olmağla meblağ-ı mezkûru mersûm Kimyanos zimmîden bi’l-mürâca‘a hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Bretamos zimmî ber-vech-i muharrer müdde‘âsını her biri mahallerinden lede’t-tezkiye makbûlü’ş-şehâde idikleri ihbâr olunan Bakkāl Simyon v. Yorgi ve Yorgi v. Ananya nâm zimmîler şehâdetleriyle bi’l-muvâcehe vech-i şer‘î üzere isbât etmeğin mûcebince meblağ-ı mezbûr dört yüz doksan iki guruşu müdde‘î-i mersûm Bretamos zimmîye edâ ve teslîme mersûm Kimyanos zimmî[ye] <> tenbîh olunduğu huzûr[-ı âlîlerine i‘lâm olundu] Fî 23 Şevvâl sene [12]55