Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 186 Hüküm no: 235 Orijinal metin no: [31b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Esteryo v. Vasil’in rüşvet olarak aldığı parayı iade etmesi 150 guruş hüküm [Ma‘rûz] Duvarcı tâifesinden Mihal v. İstepan zimmî İstanbul Bâb Mahkemesi’nde meclis-i şer‘-i hatîrde Esteryo v. Vasil nâm zimmî muvâcehesinde târîh-i i‘lâmdan bir ay mukaddem bir husûsun temşiyeti’çün mersûm Esteryo zimmî mâlımdan bi-tarîkı’r-rüşve yüz elli guruşumu ahz u kabz etmekle meblağ-ı mezkûr yüz elli guruşu mersûm Esteryo zimmîden hâlâ istirdâd ederim deyü da‘vâ ettikde ol dahi cevâbında kaziyye minvâl-i muharrer üzere olduğunu bi-tamâmihi tâyi‘an ve kat‘iyyen ikrâr ü i‘tirâf etmeğin mûcebince meblağ-ı mezkûr yüz elli guruşu müdde‘î-i mersûm Mihal zimmîye edâ ve teslîme mesfûr Esteryo zimmîye tenbîh olunduğu mübâşirleri Bâb-ı Seraskerî kavaslarından el-Hâc İsmail Kavas kulları yediyle huzûr[-ı âlîlerine i‘lâm olundu] Fî 20 Şevvâl sene 1255