Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 187 Hüküm no: 237 Orijinal metin no: [31b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun’un eski kocasına aid olan kıymetli eşyaları iade etmesi Şâl ve zümrüd askı edâsına tenbîh Ma‘rûz-ı dâ‘î Bâ‘isü’l-i’lâm ketebeden İsmail Efendi b. Mustafa nâm kimesne İstanbul Bâb Mahkemesi’nde meclis-i şer’de mukaddemâ zevcesi mu’arrefetü’z-zât Rukiye bt. Mehmed nâm hatun muvâcehesinde mezbûre Rukiye Hatun ile mukaddemâ zevciyyet beynimizde kāime iken mâlımdan bir Lahor şal ve bir zümrüd askı mezbûre Rukiye Hatun’a li-ecli’l-hıfz îdâ‘ ve teslîm eylediğimde ol dahi yedimden ahz u kabz ve hâlâ yedinde mevcûde olmağla zikr olunan şal ve zümrüd askıyı bi-a‘yânihâ bana teslîme merkūme Rukiye Hatun’a tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i meşrûh üzere olup sâlifü’z-zikr şal ve zümrüd askıyı belki yedinde mevcûd olduğunu ikrâr ü i‘tirâf etmeğin mûcebince zikr olunan şal ve zümrüd askıyı müdde‘î-i merkūm İsmail Efendi’ye teslîme mezbûre Rukiye Hatun’a tenbîh olunduğu mübâşirleri Bâb-ı Seraskerî kavaslarından Ahmed Kavas kulları yediyle huzûr[-ı âlîlerine i‘lâm olundu] Fî 24 [Şevvâl] sene [12]55